Friday, April 18, 2008

Lalpa Tawngtaina


Kan Pa, vana mi,
I hming zahawm rawh se,
I ram lo thleng rawh se,
I duhzawng vana an tih angin,
Leia mi'n ti rawh se,
Ni tin kan ei khawpin chaw min pe ang che,
Kan chunga thil tisualtute kan ngaidam angin,
Nang pawhin kan thil tihsual ngaidam ang che,
Sual tura thlemnaah min hruai lut suh ang che,
Mi sual lakah chuan min chhandam zawk ang che,
Ram te thiltihtheihna te, ropui te,
Chatuan i ta a ni si a.
Amen

Pi Zomawii nen kan tawngtai dun thin hian mizo tawngin Lalpa Tawngtaina kan sawi  ve thin a, mahse vawikhat mah kan la sawi chhuak thei lo,  internetah ka hmuh mial beiseiin ka browse a mahse ka hmu zo si lova. Vanneih thlak takin kan Mizo Ktian hlabu kawlah kan hmu fuh hlauh mai a. Tichuan online a mamawh an lo awm tak hlauhva an lo hmuh theih takin ti in ka blog ah hian kan chhu lut a ni. Mahse Ktian hlabuah chhutsual kan hmu fuh a "Sual tura thlemnaah min hruai lut suh ang che" tih tur ah hian "Sual tura thlemnaah min hruai lut ang che" tihin kan hlabu hman berah hian a inchhu a, kohhran hote hian an hriat ka beisei!  

4 comments:

  1. hehehe :-) Kan ram politicians ho ngaihtuah in kha kha an print lui aniang ka ring... lolz.

    ReplyDelete
  2. good post!! Lalpa tawngtaina hi tunlai thalai te zingah hian sawi chhuak thiam eng zat tak awm ang maw?

    ReplyDelete
  3. Pi.Zomawii(Zosap rawngbawltu Mizoram a awm thin)ka ngaisang khawp mai.tunah he ramah hian rawngbawl in a la awm ve leh a!

    Ngatita nge U Mami,Lalpa tawngtaina pawh i sawi chhuah theih ta lohmai aw? :D

    ReplyDelete
  4. camouflage19/4/08 1:36 am

    Ka van ngaisang hlawm tak che u em!! Ka blog pawh ka hawng hman tawk chauh a ni. A khat mawi tawkin ka rawn ti ve dek dek a min lo chhiar sak thin a ka lawm hle mai. Way to go guys!!

    ReplyDelete